مش هسلم تاني لقلبك

السلام عليكم ورحمة الله وبركاته

دي أغنية كنت كتبتها أيام الثانوية العامة وكنت متأثر فيها بطريقة الشعر الاندلسي شوية , يا رب تعجبكم

مش هسلـم تاني لقلبك .*.*. مش هقــولك تاني بحبــــك
مش هسلـم تاني لقلبك .*.*. مش هدوق تاني كاس مرك
.....
حبيتـــك زمـــان
و اديتــك حنــان
وكـان اللي كـان
لما جرحني قلبك
في نفس المكــان
شــاهـد الزمـــان
رميتــني عشــان
الــــغدر طبعـــك
.....
مش هسلـم تاني لقلبك .*.*. مش هقــولك تاني بحبــــك
مش هسلـم تاني لقلبك .*.*. مش هدوق تاني كاس مرك
.....
هات عيني في عينيك
قلب ؟!!! مش فيــك
جـفـيـت حبـــي ليـــك
وتقولـــي دة قــــدرك
مـا صعبتـــش عليــك
وانا روحي دايبة فيـك
قـتـلـتـني بـايديــــــــك
آآآه منـــــه غــــــدرك
.....
مش هسلـم تاني لقلبك .*.*. مش هقــولك تاني بحبــــك
مش هسلـم تاني لقلبك .*.*. مش هدوق تاني كاس مرك
.....
يا قلبـــــــي خــــــــــلاص
راح الاخـــــــــــــــــلاص
وامتـــــــى الخــــــــلاص
من اللي اتسبب في جرحك
بــــــــــاع الاحســـــــــاس
وعلــــــــى قلبـــــــي داس
هقــــــــولــه خـــــــــلاص
روح الله يسـامحــــــــــــك

نــــــــــــــــــــــــــــــــــــــــــــــــــ الدين ــــــــــــــــــــــــــــــــــــــــور